Garen Camping

Garen camping ligg ved foten av Nord-Europas største høgfjellsplatå, Hardangervidda. Dette gir deg som gjest mange moglegheiter til å oppleva og nytta naturen. Området "rett utanfor døra" byr på opplevingar, severdigheiter og aktivitetar. Vi kan til deg og ditt reisefylgje tilby hytter av ulik standard og storleik, frå velutstyrte 4, 6 og 8 persons hytter til enkle hytter for 2 og 4 personar. Det er sett av eit stort område til telt, campingvogner og bubilar. Området for desse einingane ligg litt utanfor hytteområdet, nær elva Bjoreio. Her kan du velja din eigen plass, det er tilgang til elektrisitet på store delar av området.