Ringøy Camping

Ringøy Camping ligg idyllisk til ved Hardangerfjorden og har god plass til bubil, campingvogn og telt. Hjå oss kan du også leige hytta "Dreiarstova" som ligg midt mellom epletrea, med ein eineståande utsikt over fjord og fjell. Det er ikkje mogleg å reservere plass på førehand. Finn ein ledig plass ved ankomst, og gjennomfør deretter betaling via Campio. Campingplassen er ideel som base for ekskursjonar til kjende attraksjonar i Hardanger. Med Hardangerbrua som vart opna i august 2013, er det heller ikkje langt til Voss, Granvin og Ulvik. Campingen har ei lita båthamn for småbåtar og kanoar. Her er du også velkomen til å laga bål med ved som vertane står for. Me håpar du vil trivast her.